Јаневска, Пешев и Улман ќе ја посетат компанијата „Каз груп“ во Скопје
Скопје, 5 септември 2024 (МИА) - Министерката за образование и наука Весна Јаневска, амбасадорката на Швајцарија Вероник Улман и извршниот директор на Стопанската комора Антони Пешев денеска ќе ја посетат компанијата „Каз груп“ во Скопје, која е вклучена во реализација на концептот на дуално образование.
Како што информира Стопанската комора, фабриката за водоводни цевки „Каз груп“ во Скопје реализира практична обука на учениците и соработува со стручното училиште СУГС „Владо Тасески“ - Скопје. Професорот за практична настава од училиштето, со 10-тина ученици кои посетуваат пракса во компанијата ќе бидат исто така присутни на настанот.
Компанијата е лоцирана во скопската општина Илинден. мд/
Фото: Принтскрин
