Барселона, 29 ноември 2024 (МИА) – Тренерот на лидерот во шпанското фудбалско првенство Барселона, Ханси Флик, потврди денеска дека тинејџерот Ламин Јамал ќе се врати во тимот овој викенд.

Јамал паузира од почетокот на ноември поради повреда на скочниот зглоб, но тренираше со тимот во четвртокот и ќе биде во конкуренција за составот за утрешниот натпревар против Лас Палмас.

„Ламин се врати. Тој е подготвен за игра. Ќе видиме дали ќе го почне натпреварот. Може да игра, ќе игра“, рече Флик.

Барселона е прва на табелата со 34 бодови, четири повеќе од Реал Мадрид на второто место. ег

ФОТО: Фејсбук