Јавна расправа и презентација на Урбанистички план за изградба на интерконекторот со Грција
- Во просториите на Министерството за транспорт и врски денеска се одржа јавна расправа по Урбанистички план за подрачја и градби од државно значење за интерконективен гасовод Република Северна
![Јавна расправа и презентација на Урбанистички план за изградба на интерконекторот со Грција](https://mia.mk/index.php/images/20221113223818_big_730x400_77.webp )
Скопје, 20 септември 2022 (МИА) - Во просториите на Министерството за транспорт и врски денеска се одржа јавна расправа по Урбанистички план за подрачја и градби од државно значење за интерконективен гасовод Република Северна Македонија – Република Грција.
Целта на јавната расправа беше да се запознае широката јавност за планираната траса на интерконективниот гасовод што ќе не поврзе со Република Грција, а учествуваа претставници од инвеститорот - Национални Енергетски Ресурси, планерите и проектантите на трасата и преставници од Министерството за транспорт и врски.
Претходно, Урбанистичкиот план за изградба на интерконективниот гасовод беше јавно достапен за увид на широката јавност и јавно презентиран во електронска форма на веб страните на Министерството за транспорт и врски, општините Неготино, Демир Капија, Богданци и Гевгелија и во хартиена форма во просториите на гореспомнатите институции.
Во просториите на Министерството за транспорт и врски, како што најавуваат оттаму, на 28. месецов ќе се одржи и стручна расправа со јавна презентација на Урбанистичкиот план.
-Владата и ресорните министерства остануваат посветени на изградба на гасоводоната мрежа во Република Северна Македонија со цел алтернативно снабдување со гас и економски развој на земјата, велат од Министерството з атранспорт и врски.лв/са/
![thumbnail_IMG_2594](/articles/images/%d1%98%d0%b0%d0%b2%d0%bd%d0%b0-%d1%80%d0%b0%d1%81%d0%bf%d1%80%d0%b0%d0/k1Gc83Syk/placeholder.webp?use_watermark=0)