Ѓоковиќ: Поголемиот дел од кариерата играв во непријателска средина и научив да напредувам во тоа
- Српскиот тенисер Новак Ѓоковиќ одговори како се чувствува поради непријателскиот однос на трибините.
![Ѓоковиќ: Поголемиот дел од кариерата играв во непријателска средина и научив да напредувам во тоа](https://mia.mk/index.php/images/20231212082424_big_730x400_39.webp )
Белград, 12 декември 2023 (МИА) - Српскиот тенисер Новак Ѓоковиќ одговори како се чувствува поради непријателскиот однос на трибините.
- Има многу поголем притисок и стрес ако трибините се против вас. Но, поголемиот дел од мојата кариера играв во непријателска средина. И научив да се истакнам во тоа. Луѓето мислат дека ова е уште подобро за мене, дека ќе го извлече максимумот од мене. И така беше. Но, во исто време, повеќе сакам да играм во средина каде што сум поддржан, изјави Србинот.
Триесет и шестгодишниот Ѓоковиќ е победник на 24 Грен слем турнири, седумкратен победник на АТП завршните турнири и шампион на 99 АТП турнири.
Сезоната 2023 Ѓоковиќ ја заврши како прв рекет во светот. Ова е осма година како тој е на тенискиот трон. зс/
Фото: ЕПА