Москва, 14 мај 2023 (МИА) – Кошаркарот на ЦСКА, Алексеј Швед, проговори за нападот во центарот на Москва, како резултат на кој се здоби со повреда на главата со скршеници на коските на черепот и контузија на мозокот.

- Бев отпуштен од болница пред само неколку дена. Се чувствувам многу подобро. Децата и сопругата се среќни, па закрепнувањето оди добро. Сè се случи вака: момците се обложија на наша победа и изгубија со пари по нашиот пораз на домашен терен во мајсторката со Локомотив. Кога ме сретнаа по натпреварот почнаа да ме навредуваат. Не опкружија мене и сопругата. Потоа пристигнаа уште момци. Не е јасно зошто го направија сето ова. Но, сега ќе го сфатат тоа. Не можевме да им побегнеме. Нè опколија. И реков на жена ми, ајде да одиме. Во тој момент почнаа да ме удираат во нозете, во главата. И позади. Не се сеќавам понатаму. По нападот веднаш ме хоспитализираа. Следуваа многу различни процедури. Во реалниот живот повредите се тешки, но закрепнувањето оди добро, изјави Швед.

Тимот на ЦСКА чиј тренер е македонскиот кошаркарски стручњак Емил Рајковиќ загуби од Локомотив во полуфиналето на ВТБ-лигата со 4:3. зс/

Фото: Швед