Шаќири присуствуваше на промоција на дипломираните студенти на Меѓународниот балкански универзитет
- Oсновната мисија на Универзитетот претставува квалитетно образование на млади кадри во квалификувани и компетентни стручњаци подготвени да конкурираат на националниот и меѓународниот пазар на
![Шаќири присуствуваше на промоција на дипломираните студенти на Меѓународниот балкански универзитет](https://mia.mk/index.php/images/20221113163231_big_730x400_41.webp )
Скопје, 22 јуни 2022 (МИА) - Oсновната мисија на Универзитетот претставува квалитетно образование на млади кадри во квалификувани и компетентни стручњаци подготвени да конкурираат на националниот и меѓународниот пазар на труд. Верувам дека знаењето кое наставниот кадар го пренел на студентите, ќе им биде од голема корист, истакна министерот за образование и наука, Јетон Шаќири, на доделувањето на дипломите на дипломираните студенти на Меѓународниот балкански универзитет.
Како што соопштија од Министерството за образование и наука, Шаќири посочил дека со самиот избор за продолжување на образованието на универзитетот, студентите ја направивте најголемата инвестиција во нивниот живот.
- Да се инвестира во знаење и образование е најсигурна одлука, како на личен, така и на општествен план. Вие сте личности кои се стекнале со вештини и компетенции, кои се подготвени стручно и професионално да се справуваат со предизвиците на новото време, кои ќе бидат конкурентни на пазарот на трудот, со што ќе придонесат, како за сопствената, така и за општата благосостојба на заедницата во која живеат, посочил Шаќири.
Меѓународниот балкански универзитет, потенцираше Шаќири, е еден од ретките во земјава, кои доделуваат стипендии за своите студенти. ар/бак/
![MBU2](/articles/images/%d1%88%d0%b0%d1%9c%d0%b8%d1%80%d0%b8-%d0%bf%d1%80%d0%b8%d1%81%d1%83%d1/ej6rrj7v8/placeholder.webp?use_watermark=0)