Четиринаесет загинати во судар меѓу автобус и камион во Мали
- Во судар на автобус и камион вчера во центарот на Мали загинаа 14 лица, а 29 се повредени, од кои девет се во тешка состојба, соопшти Министерството за транспорт.
![Четиринаесет загинати во судар меѓу автобус и камион во Мали](https://mia.mk/index.php/images/20240830072341_big_730x400_46.webp )
Бамако, 30 август 2024 (МИА) - Во судар на автобус и камион вчера во центарот на Мали загинаа 14 лица, а 29 се повредени, од кои девет се во тешка состојба, соопшти Министерството за транспорт.
Според Министерството, несреќата се случила околу 6 часот по локално време во општината Фана, при што е причинета голема материјална штета.
Автобусот сообраќал од Фана кон главниот град Бамако и се судрил со камион со приколка што возел од спротивен правец.
Сите настрадани се пренесени во Здравствениот дом во Фана. Отворена е истрага за утврдување на точните околности на оваа несреќа.
Сообраќајните несреќи се чести во Мали и генерално се предизвикани од лошите услови на патиштата и возилата и човечка грешка.
На крајот на јули загинаа 16 лица во судир на два автобуса во центарот на Мали. паг/
Фото: Фејсбук