Скопје, 7 јануари 2024

До Архиепископот Охридски и Македонски г.г. Стефан.

Ваше Блаженство,
Со особено задоволство и чест Вам и на членовите на Светиот архиерејски синод, на преподобното монаштво и свештенство, како и на верниците на Македонската православна црква во земјата и во странство, од името на членовите на Социјалистичката партија на Македониија и од мое лично име Ви упатувам срдечни честитки по повод големиот христијански празник, Христовото раѓање Божик, посакајќи во добро здравје, радост и среќа да ги поминете празничните денови.

Овој голем празничен ден е можност уште еднаш да се истакне благородната мисија на нашата древна Македонска православна црква во зачувувањето на богатото историско и културно благо и традиција, возобновувањето на вистинските духовни вредности и културната особеност на македонскиот народ, мисија за мир, трпение, заедништво и разбирање помеѓу луѓето.

Како било до сега, така да биде и понатаму зошто нашата Света Македонска православна црква го крепи духот на нашиот кроток македонски народ внимавајќи да не потклекне пред редизвиците и лажните искушенија.

Ваше Блаженство,
Прославувајќи го Христовото раѓање ги славиме мирот и радоста, љубовта и разбирањето, вербата и надежта, помагањето и дарувањето, заедништвото и помирувањето. Затоа сме благодарни на Христовата милосрдност и бескрајна љубов.

Со овие богоугодни мисли длабоко во срцата на сите верници ќе се вселат мирот и спокојството исполнети со топлина во душата и милост со чувството на безусловна љубов, искрена прегратка, почит и гржа кон ближните.

Нека е честит Божик и за многу години.
Христос се роди!

Љупчо Димовски - Претседател на Социјалистичка партија на Македонија

________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.