ЦУК: Изминатото деноноќие изгаснати 11 пожари на отворено
- Изминатото деноноќие изгаснати се 11 пожари на отворено во државава. Пожарникарите истовремено гаснеле и други пожари во населените места, информираат утрово од Центарот за управување со кризи.
![ЦУК: Изминатото деноноќие изгаснати 11 пожари на отворено](https://mia.mk/index.php/images/20240228085336_big_730x400_79.webp )
Скопје, 28 февруари 2024 (МИА) - Изминатото деноноќие изгаснати се 11 пожари на отворено во државава. Пожарникарите истовремено гаснеле и други пожари во населените места, информираат утрово од Центарот за управување со кризи.
Од Регионалниот ЦУК Скопје информирале за три пријавени и изгаснати пожари на отворено, од РЦУК Штип за шест, а од РЦУК Велес и РЦУК Куманово за по еден пријавен и изгаснат пожар на отворено.
Од ЦУК апелираат да не се пали вегетација на отворено, а појавата на пожар што побрзо да се пријавува на Единствениот повикувачки број за итни случаи 112.
Центарот за управување со кризи соопшти дека во последното деноноќие имало вкупно 1 691 повик на бројот 112, од коишто „реални“ повици биле 44,41 отсто, а 55,59 проценти биле за други потреби на граѓаните што не биле итни.
Кон полиција биле упатени 57,98 отсто, кон итната медицинска помош 33,19 проценти, а кон пожарникарите 7,98 отсто од реалните повици кон 112 во ЦУК. дма/са/
Фото: МИА архива