Скопје, 29 август 2024 (МИА) - Во текот на денешниот ден, до 20:00 часот, има вкупно 16 пожари на отворен простор, од кои активни се пет, под контрола е  еден и изгаснати се 10, информираат од Центарот за управување со кризи (ЦУК).

Активните пожари се во општините Чашка, Долнени, Штип, Студеничани и Гази Баба.

АКТИВНИ: 5

1. Општина Чашка: Планина Мукос, с.Степанци и м.в.Кадиица на граница помеѓу Општина Чашка и Општина Долнени и жариште Ореов Дол према Кадиица (мешана шума);

2. Долнени: с.Десово – с.Дреновци (8 ТППЕ, 4 НШ) – префрлен од с.Степанци, Општина Чашка;

3. Општина Штип: помеѓу селата Едеклерци и Хаџи-Хамзали (нискостеблеста шума и сува трева);

4. Општина Студеничани: с.Љубош – с.Горно Количани кај каменолом Вртекица (ниска вегетација);

5. Општина Гази Баба: Смилковско Езеро (ѓубре и сува трева).

ПОД КОНТРОЛА: 1

1. Општина Студеничани: над с.Црвена Вода, м.в.Крста (ниска вегетација и нискостеблеста шума).

ИЗГАСНАТИ: 10

1. Општина Охрид и Ресен: планина Галичица; 

2. Општина Струга 1: с.Драслајца – с.Биџево (сува трева);

3. Општина Струга 2: с.Добовјани (сува трева);

4. Општина Куманово: Споменик Костурница (сува трева);

5. Општина Сарај: с.Крушопек (ѓубре и сува трева);

6. Општина Брвеница: с.Стенче, м.в.Папради (сува трева);

7. Општина Прилеп: с.Селце (сува трева);

8. Општина Долнени: с.Ропотово – с.Лажани (сува трева);

9. Општина Лозово: с.Дурфулија – с.Каратманово (борова шума);

10. Општина Свети Николе (сува трева и трње).

ир/лв/

Фото: МИА архива