Цените на индустриските производи во јуни со раст од 19,6 отсто на годишно ниво
- Во јуни годинава продажните цени на производителите на индустриски производи, вкупно се повисоки за 0.2 проценти на месечно ниво, а за 19.6 проценти на годишно ниво, објави денеска Државниот
![Цените на индустриските производи во јуни со раст од 19,6 отсто на годишно ниво](https://mia.mk/index.php/images/20221113194235_big_730x400_98.webp )
Скопје, 10 август 2022 (МИА) - Во јуни годинава продажните цени на производителите на индустриски производи, вкупно се повисоки за 0,2 проценти на месечно ниво, а за 19,6 отсто на годишно ниво, објави денеска Државниот завод за статистика.
Во јуни, во споредба со мај 2022, продажните цени на производителите на индустриски производи, вкупно, се пониски во секторот Рударство и вадење камен за 0,6 проценти, а се повисоки во секторот Преработувачка индустрија за 0,2 отсто и во секторот Снабдување со електрична енергија, гас, пареа и климатизација за 1,4 проценти.
Во јуни годинава во споредба со јуни лани продажните цени на производителите на индустриски производи, вкупно, се повисоки во секторот Рударство и вадење на камен за 16,2 отсто, во Преработувачка индустрија за 19,1 процент и во секторот Снабдување со електрична енергија, гас, пареа и климатизација за 32,8 отсто. лв/сп/