Франција не предвидува прекин во снабдувањето со руски гас поради плаќањето во рубљи
- Барањето на Москва за плаќање на нејзиниот гас во рубљи не треба да предизвика прекин во испораките, изјави денеска француската министерка за еколошка транзиција Барбара Помпили, јави дописни
![Франција не предвидува прекин во снабдувањето со руски гас поради плаќањето во рубљи](https://mia.mk/index.php/images/20221112163150_big_730x400_56.webp )
Париз, 1 април 2022 (МИА) - Барањето на Москва за плаќање на нејзиниот гас во рубљи не треба да предизвика прекин во испораките, изјави денеска француската министерка за еколошка транзиција Барбара Помпили, јави дописникот на МИА од Париз.
- Информациите што ги добивме од Москва во последните денови и часови имаат тенденција да нè наведат да веруваме дека компаниите ќе можат да продолжат да плаќаат во евра на банките кои самите ќе треба да ги претворат своите евра во рубљи, а особено на Газпром банката, рече таа, одговарајќи на прашања пред Комисијата за економски прашања на Националното собрание на Франција.
Помпили рече дека од моментот кога компаниите плаќаат во евра, договорите се почитуваат и затоа тоа не менува многу за компаниите. „Така што во оваа фаза немаме ризик од прекршување на овие договори доколку ова решение е имплементираното решение. И затоа а приори нема прекин што би можел да се иницира од увозот на руски гас“, додаде таа.
Според неас, „оваа исплата во рубљи е мерка за поддршка на рубљата пред сè, но тоа всушност не е одмаздничка мерка во однос на европските компании“.
„Тоа не не спречи да работиме за да бидеме се помалку и помалку зависни од увозот на руски гас“, рече Помпили.
Европејците одбиваат какво било плаќање во рубљи што го бара Москва.
„Од наша гледна точка, наметнувањето плаќање во рубљи би претставувало прекршување на повеќето договори: договорите потпишани од француските компании, особено со Газпром, се деноминирани во евра и затоа компаниите се легитимни да одбијат промена на валутата. Руската централна банка може да го поправи девизниот курс што го сака, што би претставувало еднострано фиксирање на цените на гасот и би се состоело во пренасочување на санкциите, што очигледно не е прифатливо“, рече француската министерка за еколошка транзиција. тг/паг/