Скопје, 24 март 2025 

Вицепремиерот Арбен Фетаи жестоко реагираше на изјавите на претставниците на ДУИ, опишувајќи ги како „политичка перверзија“. Тој ја критикуваше ДУИ за обидите да држи предавања за правда и отчетност, и покрај тоа што, според него, во редовите на оваа партија има стотици лица инволвирани во корупциски афери и разни трагедии.

„Перверзност што само ДУИ може да ја направи, да излезе и да ни држи лекции за правда и одговорност, а во нивната партија има десетици и стотици луѓе кои се вмешани во корупциски афери и јавно дискутирани трагедии. Гледаме како се повлекоа откако премиерот рече дека ќе ги фати за уши, и сега замолуваат“, изјави Фетаи.

Тој особено се фокусираше на случајот со поранешниот министер за економија Крешник Бектеши, кој беше уапсен во врска со трагедијата во Кочани. Фетаи го истакна фактот дека Бектеши го бранат адвокати поврзани со познати личности од претходната власт, што предизвикува сомнеж за кредибилитетот на неговата одбрана. „Жално е да се види како Крешник Бектеши го бранат адвокатите на Мијалков и Љатас, додека ни зборуваат за правда и Албанци. Тие немаат ниту тим од одбраната на Албанците, а камоли да бидат познати по некаков придонес во решавањето на монтирани случаи“, нагласи вицепремиерот.

ВЛЕН

_____________________________________________________________________________________ 

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки

фото принтскрин