Берлин, 1 февруари 2021 (МИА) - Германски „БиоНТек“ и американската „Фајзер“ се на добар пат навреме да ги испорачаат своите вакцини против коронавирусот за Европската унија, соопшти денеска германската компанија. „БиоНТек“ и „Фајзер“ работат до 15 февруари да го зголемат снабдувањето со вакцината што заедно ја развија во Европа, се наведува во соопштението, пренесено од британските медиуми. „Фајзер“ успешно ги модифицираше производствените капацитети во својата фабрика во Пурс, Белгија, враќајќи ги компаниите кон оригиналниот распоред на испораки на дозите од вакцини во Европската унија, наведе „БиоНТек. Компанијата, исто така, соопшти дека нејзината европска производствена мрежа и натаму се шири, од првичните три партнера во декември 2020 година, кога компанијата за прв пат доби одобрение за вакцинирање, на сегашните 13. Компаниите очекуваат во 2021 година да произведат две милијарди дози од вакцината. Европските земји се судруваат со големи доцнења на испораките на вакцини, што во моментов се чини се само привремени, бидејќи сите западни производители на вакцини со одобренија - Модерна, Фајзер и партнерите БиоНТек и АстраЗенека, заостануваат зад своите погрешни цели на испорака. сд/