Вашингтон, 27 декември 2020 (МИА) – Водечкиот американски епидемиолог Ентони Фаучи ја повтори својата препорака американскиот претседател Доналд Трамп да прими вакцина против коронавирусот. - Одлуката за тоа дали ќе се вакцинира зависи од него и од докторот во Белата куќа. Моја препорака – тоа го реков и претходно – јас би го вакцинирал, изјави Фаучи за Си-Ен-Ен. - Тој сè уште е претседател на САД. Важна личност … Значи, мојата препорака за претседателот останува иста, додаде тој. Трамп годинава имаше коронавирус, а лекарите му препорачуваат да почека со вакцината, наведувајќи го како причина третманот со моноклонски антитела што ги примил во борбата против вирусот. јт/