Уште една негувателка позитивна на Ковид-19, во изолација 12 деца и двајца вработени во кавадаречка градинка
- Уште една негувателка е позитивна на Ковид-19, во изолација се 12 деца, како и двајца вработени во кавадаречка градинка, за МИА потврди доктор Ристе Јовановски, специјалист епидемиолог при к
![Уште една негувателка позитивна на Ковид-19, во изолација 12 деца и двајца вработени во кавадаречка градинка](https://mia.mk/index.php/images/20221105125246_big_730x400_3.webp )
Кавадарци, 10 декември 2020 (МИА) - Уште една негувателка е позитивна на Ковид-19, во изолација се 12 деца, како и двајца вработени во кавадаречка градинка, за МИА потврди доктор Ристе Јовановски, специјалист епидемиолог при кавадаречкиот Центар за јавно здравје.
Тој информирара дека позитивни на вирусот се и двајца здравствени работници од Кавадарци, а починало едно лице на 64 години.
Во изминатите 24 часа биле регистрирани 36 позитивни случаи во регионот, на возраст од 19 до 83 години. Во Кавадарци 24, а 7 во Неготино, 3 во Демир Капија и 2 случаја во Росоман. Се утврдуваат нивните контакти, со цел да се изолираат. свд/фф/