Училиштата на регулиран пазар, струја за јавните здравствени установи преку ЕСМ продажба
- Економско-енергетскиот совет на Владата вечерва одлучи на регулиран пазар да бидат и основните и средните училишта на територијата на цела држава без разлика што обврската за обезбедување на
![Училиштата на регулиран пазар, струја за јавните здравствени установи преку ЕСМ продажба](https://mia.mk/index.php/images/20221113232029_big_730x400_48.webp )
Скопје, 28 септември 2022 (МИА) - Економско-енергетскиот совет на Владата вечерва одлучи на регулиран пазар да бидат и основните и средните училишта на територијата на цела држава, без разлика што обврската за обезбедување на образовниот процес е на општините.
Според премиерот Димитар Ковачевски, префрлањето на училиштата на регулираниот пазар нема да предизвика проблем со цената на струјата за граѓаните.
-Ова нема да предизвика проблем бидејќи се направија точни пресметки во однос на количините електрична енергија кои ги користат основните и средните училишта, напомена премиерот.
Советот, како што информира Ковачевски на вонредната прес-конференција, донесе и одлука со која сите јавни здравствени установи ќе бидат обезбедени со електрична енергија преку ЕСМ продажба по поповолна цена од берзанската.
-Грижата за граѓаните и обезбедувањетоздравствена заштита е императив на оваа Влада, рече Ковачевски. мч/ки/
https://www.youtube.com/watch?v=jOUT4EF7Lk0