Укината забраната за тешки товарни возила на Тетово - Попова Шапка
- Забраната за сообраќај за тешки товарни возила на патниот правец Тетово - Попова Шапка е укината претпладнево во 11:30 часот, информираат од ЈП „Македонија пат“.
![Укината забраната за тешки товарни возила на Тетово - Попова Шапка](https://mia.mk/index.php/images/20221105204311_big_730x400_75.webp )
Скопје, 16 февруари 2021 (МИА) – Забраната за сообраќај за тешки товарни возила на патниот правец Тетово - Попова Шапка е укината претпладнево во 11:30 часот, информираат од ЈП „Македонија пат“.
Претходно, во 10:00 часот претпладнево беше укината забраната за сообраќај за тешки товарни возила на патниот правец крак Маврово-Дебар.
Сообраќајот на државните патишта се одвива во зимски услови по наместа влажни коловози, а наместа има и остатоци од кашест снег на коловозот. Поради ниските утрински температури можна е појава на голомразица.
Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.фф/лв/