Минхен, 2 август 2023 (МИА) - Тренерот на Баерн, Томас Тухел, зборуваше за трансферот на напаѓачот Садио Мане во Ал-Наср.

Вчера, 1 август, саудискиот клуб го објави трансферот на сенегалскиот напаѓач.

- Цврсто се прегрнавме. Сфативме дека не ни се допаѓа моменталната ситуација. Разбирам дека се чувствува навреден. И јас не се чувствувам среќен. Не го откривме целиот негов потенцијал. Неговото заминување е моја одговорност, изјави Тухел за „Goal“.

Мане му се приклучи на минхенскиот клуб од Ливерпул во летото 2022 година.

За Баерн настапи на 38 натпревари, постигнувајќи 12 гола и шест асистенции. Со Баерн Мане стана шампион на Германија и освојувач на германскиот Суперкуп. зс/

Фото: ЕПА