Триесеттото, јубилејно издание на Фестивалот на камерен театар “Ристо Шишков“ ќе се одржи од 8-ми до 13 септември
- Триесеттото, јубилејно, издание на Фестивалот на камерен театар „Ристо Шишков“ традиционално почнува на 8 септември, на Денот на независноста, а годинава на програмата се девет остварувања, с
![Триесеттото, јубилејно издание на Фестивалот на камерен театар “Ристо Шишков“ ќе се одржи од 8-ми до 13 септември](https://mia.mk/index.php/images/20221113211513_big_730x400_87.webp )
Струмица, 1 септември 2022 (МИА) - Триесеттото, јубилејно, издание на Фестивалот на камерен театар „Ристо Шишков“ традиционално почнува на 8 септември, на Денот на независноста, а годинава на програмата се девет остварувања, седум од земјава и две од странство, Бугарија и Косово.
Завесата на ФКТ „Ристо Шишков“ ќе ја кренат актерите од прилепскиот театар „Војдан Чернодрински“ со претставата „Глембаеви“, варијација на драмата на Мирослав Крлежа во режија и адаптација на Бранко Брезовац, а Фестивалот свечено ќе биде отворен со изложба на фотографии од досегашните 29 лауерати.
Фестивалското жири, кое ќе одлучува за единствената награда на највисоко актерско остварување „Ристо Шишков“, а се состои од златен медалјон со ликот на Шишков и парична награда во износ од 1.500 евра, ќе го предводи ланската лауретка, актерката Ѕвездана Ангеловска и актерите Нико Горшиќ и Петар Арсовски.
Фестивалот ќе се одржи од 8 до 13 овој месец во Центарот за култура „Антон Панов“ со финансиска поддршка од Министерството за култура и Општина Струмица. рт/сст/
![thumbnail_lauerati risto sikosv-2022](/articles/images/%d1%82%d1%80%d0%b8%d0%b5%d1%81%d0%b5%d1%82%d1%82%d0%be%d1%82%d0%be-%d1/aM2S5dGUo/placeholder.webp?use_watermark=0)