Трамп ја загуби жалбата, мора да сведочи во истрагата во Њујорк
- Поранешниот американски претседател Доналд Трамп мора да сведочи пред судот во Њујорк како дел од граѓанската истрага за неговиот бизнис, одлучи денеска Апелацискиот суд.
![Трамп ја загуби жалбата, мора да сведочи во истрагата во Њујорк](https://mia.mk/index.php/images/20221113143251_big_730x400_89.webp )
Њујорк, 26 мај 2022 (МИА) - Поранешниот американски претседател Доналд Трамп мора да сведочи пред судот во Њујорк како дел од граѓанската истрага за неговиот бизнис, одлучи денеска Апелацискиот суд.
Судот го отфрли аргументот на Трамп дека треба да биде ослободен од обвиненијата бидејќи неговите одговори може да се употребат против него во паралелна кривична истрага.
Четиричлениот совет на Апелацискиот оддел ја потврди пресудата на судијата Артур Енгорон на 17 февруари, со која се потврдија повиците до Трамп и неговите две деца Иванка и Доналд да сведочат во истрагата на јавниот обвинител Летиција Џејмс.
„Уште еднаш, судовите донесоа одлука дека Доналд Трамп мора да ја почитува нашата законска истрага за неговите финансиски работи“, наведе Џејмс во изјавата, додавајќи дека судот ќе продолжи да ги следи фактите на овој случај и да гарантира дека никој не може да го избегне законот.
Истрагата откри докази дека организацијата на Трамп користела лажни или погрешни зголемени проценки на средствата за да добие заеми и даночни олеснувања. зш/