Трамп поднесе жалба до Врховниот суд за поништување на забраната за гласање во Колорадо
- Поранешниот американски претседател Доналд Трамп поднесе жалба до Врховниот суд на Соединетите Држави да го спроведе неговото учество на првичните избори во државата Колорадо, објави вчера предизборниот тим на Трамп, јави ДПА.
![Трамп поднесе жалба до Врховниот суд за поништување на забраната за гласање во Колорадо](https://mia.mk/index.php/images/20240104071233_big_730x400_26.webp )
Вашингтон, 4 јануари 2024 (МИА) - Поранешниот американски претседател Доналд Трамп поднесе жалба до Врховниот суд на Соединетите Држави да го спроведе неговото учество на првичните избори во државата Колорадо, објави вчера предизборниот тим на Трамп, јави ДПА.
Со овој потег, Трамп се обидува да ја поништи одлуката на највисокиот суд во Колорадо со која беше дисквалификуван од првичните избори во државата поради неговата улога во упадот на американскиот Капитол во Вашингтон на 6 јануари 2021 година.
На 20 декември, Врховниот суд во Колорадо пресуди дека Трамп не е подобен за државните прелиминарни избори на 5 март.
Трамп се надева дека ќе победи на претседателските избори во САД во 2024 година и ќе се врати во Белата куќа, но неговите противници се обидуваат да го избришат неговото име од гласачкото ливче во неколку сојузни држави.
Највисокиот изборен функционер на Мејн, државниот секретар Шена Белоус, на 29 декември одлучи дека петицијата за првична номинација на поранешниот претседател е „неважечка“.
Според 14-тиот амандман на американскиот Устав, Трамп „не е квалификуван да ја извршува функцијата претседател“, се вели во пресудата.
Адвокатите на Трамп во вторникот поднесоа формален приговор до судот во Мејн против одлуката на Белоус.
Поддржувачите на Трамп насилно упаднаа во зградата на американскиот Капитол во Вашингтон на 6 јануари 2021 година, по говорот што го одржа тогашниот претседател. Конгресот се состана таму за официјално да ја потврди победата на Џо Бајден на претседателските избори во 2020 година. Во насилството загинаа пет лица. На Трамп мора да му се суди за обид за изборна измама поради неговите постапки околу гласањето, наведува ДПА. мс/
фото: МИА архива