Традиционално осмо искачување на велешкиот рид „Свети Илија“ по повод Илинден и манастирската слава
- По повод големиот македонски празник Илинден, 2 Август, Планинарски дом „Чеплес“ и годинава по осми пат организираше ноќно искачување на ридот „Свети Илија“ на 565 метри надморска височина и посета на истоимениот манастир „Свети Илија“ лоциран од другата страна на ридот над Велес.
![Традиционално осмо искачување на велешкиот рид „Свети Илија“ по повод Илинден и манастирската слава](https://mia.mk/index.php/images/20230802143448_big_730x400_89.webp )
Велес 2 август 2023 (МИА) - По повод големиот македонски празник Илинден, 2 Август, Планинарски дом „Чеплес“ и годинава по осми пат организираше ноќно искачување на ридот „Свети Илија“ на 565 метри надморска височина и посета на истоимениот манастир „Свети Илија“ лоциран од другата страна на ридот над Велес.
- Ноќното искачување синоќа стартува на плоштадот „С“рмаале“, а по посетета на манастирот „Свети Илија“ кој празнува слава и малиот одмор некаде околу полноќ сите учесници повторно се вратија во Велес, информира за МИА, Драган Димов.
Патеката беше прилагодена како за возрасни така и за деца. Нејзината должина беше околу три километри. Годинава учествуваа 80-тина рекреативци, меѓу кои и десетина деца, а најголем дел од Велес и помали групи од Скопје и Пробиштип и некои лица од Прилеп. ад/дма/
Фото: Драган Димов