Тетово, 12 февруари 2021 (МИА) - По повод претстојните обуки за преведувачи за локалните и државните институции согласно активностите на Агенцијата за примена на јазикот што го зборуваат најмалку 20 проценти од граѓаните денеска се одржа средба меѓу градоначалничката на Тетово, Теута Арифи и директорот на Агенцијата Илбер Села. 

Освен за редовните активности на Агенцијата во општината биле презентирани и новообјавените публикации на државната институција.

-На состанокот, директорот нè информираше за активностите и мерките што оваа институција ги презема со цел да се почитува правото на употреба на албанскиот јазик, како основно право на Албанците во Северна Македонија и кое мора да се спроведува ефикасно и одговорно во институциите во земјата. Агенцијата за спроведување на јазиците наскоро ќе започне со обука на преведувачи во локални и државни институции, информираа од Кабинетот на градоначалничката Арифи.

Според информациите на Општина Тетово, претставниците на Агенција на средбата ги претставиле водичот за спроведување на законот за употреба на јазиците и прирачникот на административни службеници поврзани со спроведувањето на законот за употреба на јазиците, како и информации за јазичните права на граѓаните во Република Северна Македонија. ас/свс/