Таткото на Аке почина непосредно по неговиот гол првенец во Лигата на шампиони
- Фудбалерот на англискиот првак Манчестер сити, Натан Аке сподели денеска со јавноста дека неговиот татко починал во средата само неколку минути откако 26 – годишниот фудбалер го постигна свој
![Таткото на Аке почина непосредно по неговиот гол првенец во Лигата на шампиони](https://mia.mk/index.php/images/20221108163603_big_730x400_96.webp )
Манчестер, 16 септември 2021 (МИА) – Фудбалерот на англискиот првак Манчестер сити, Натан Аке сподели денеска со јавноста дека неговиот татко починал во средата само неколку минути откако 26 – годишниот фудбалер го постигна својот прв гол во кариерата во Лигата на шампиони.
- По тежок период вчера го постигнав својот прв гол во Лигата на шампиони, а само неколку минути подоцна мојот многу тешко болен татко почина мирно, во присуство на мојата мајка и мојот брат. Можеби така требало да биде, секогаш беше горд и среќен кога ме гледаше како играм, објави Аке на социјалните мрежи.
Холандскиот напаѓач кариерата ја почна во Челзи, а во редовите на Манчестер сити дојде на почетокот на оваа сезона од Бурнмут.
За холандската репрезентација Аке досега одигра 22 натпревари и постигна два гола. ег/паг/