Талибанците извршија реорганизација пред преговорите во Авганистан
- Во една од најзначајните реорганизации низ годините, Талибанците го поставија Мула Мохамед Јакуб, син на основачот на движењето, на чело на своето воено крило.
![Талибанците извршија реорганизација пред преговорите во Авганистан](https://mia.mk/index.php/images/20221104151136_big_730x400_71.webp )
Исламабад, 17 јули 2020 (МИА) - Во една од најзначајните реорганизации низ годините, Талибанците го поставија Мула Мохамед Јакуб, син на основачот на движењето, на чело на своето воено крило.
Тие, исто така, додадоа четворица нови членови на нивниот 20-членски преговарачки тим пред очекуваните разговори во насока на прекинување на децениската војна во Авганистан, соопштија талибанските власти.
Реорганизацијата, надгледувана од лидерот на Талибанците, треба да ја засили неговата контрола и врз војската и во политичкиот дел од движењето, изјавија официјални лица.
Аналитичарите велат дека реорганизацијата може да биде добра вест за преговори со авганистанските политички лидери во Кабул и знак за тоа колку сериозно го преземаат Талибанците овој втор, можеби најкритичен чекор во договорот што Вашингтон го потпиша со бунтовниците во февруари.
- Јас би рекол дека се чини дека е позитивен развој на настаните затоа што Талибанците создаваат делегација која се чини е посериозна и поширока отколку што беше досега или можеби е неопходна за почетната фаза на разговорите, рече Ендрју Вајлдер, потпретседател на азиската програма при Институтот за мир со седиште во Вашингтон. паг/