Супертајфун урна мост во Виетнам, во тек е потрага по исчезнатите лица
Ханој, 9 септември 2024 (МИА) - Мост во северниот дел на Виетнам се урна во налетот на супертајфунот Јаги, јави Би-Би-Си. Десетици автомобили и мотоцикли паднале во реката, најмалку три лица биле спасени, а 13 лица се водат како исчезнати.
Дел од структурата на мостот долг 375 метри се уште стои, а војската сега ќе гради понтонски мост.
🇻🇳#Vietnam #China #typhoonYagi Tifón Yagi vientos sostenidos de más de 200km/h impactando en Vietnam: Super Typhoon Yagi is making landfall in Quang Ninh and Hai Phong. Some damages already occurred. Houses were uproofed while glass and iron sheets flew like papers. Some cars… pic.twitter.com/SCZp8T7VPT
— worldnews24u (@worldnews24u) September 7, 2024
Јаги, најсилната азиска бура годинава, уби повеќе од 60 лица откако стигна до Виетнам, со налети на ветрот до 203 km/h.
Најмалку 44 луѓе загинаа во лизгање на земјиштето и поројни поплави, соопшти Министерството за земјоделство и рурален развој на земјата, а меѓу нив има и 68-годишна жена, едногодишно момче и новороденче.
Повеќе од 240 луѓе се повредени, а околу 1,5 милиони се уште се без струја. ссм/
фото: ЕПА
