Судот во Камбоџа го осуди лидерот на опозицијата на 27 години затвор
Пном Пен, 3 март 2023 (МИА) - Судот во Камбоџа денеска го осуди лидерот на опозицијата Кем Сока на 27 години затвор.
Опозицискиот лидер, кој беше осуден за предавство во судскиот процес за кој групите за човекови права велат дека бил политички мотивиран, ги отфрли сите обвиненија.
„Кем Сока беше осуден на 27 години затвор за договарање со странци во Камбоџа и на други места“, рече судијата на судењето во Пном Пен.
Сока (69) беше уапсен во 2017 година под обвинение дека се обидел да ја собори владата на премиерот Хун Сен, кој е на власт од 1985 година.
Неговата партија, Партијата за национален спас на Камбоџа, која оттогаш беше распуштена, ги отфрли обвинувањата за предавство нарекувајќи ги како политички мотивирани. паг/
