Струга Трим Лум се пласира во плејофот на Конференциската лига на УЕФА
- Македонскиот фудбалски шампион Струга ТЛ ќе игра во плејофот на Лигата на Конференции. Стружани вечерва загубија со 2:1 од Есперанж на гостувањето во Луксембург, но во Скопје победија со 3:1 и со вкупни 4:3 одат понатаму.
![Струга Трим Лум се пласира во плејофот на Конференциската лига на УЕФА](https://mia.mk/index.php/images/20230817221516_big_730x400_37.webp )
Луксембург, 17 август 2023 (МИА) - Македонскиот фудбалски шампион Струга ТЛ ќе игра во плејофот на Лигата на Конференции. Стружани вечерва загубија со 2:1 од Есперанж на гостувањето во Луксембург, но во Скопје победија со 3:1 и со вкупни 4:3 одат понатаму.
Струга од 15.минута играше без исклучениот Марјан Радески. Но по само две минути од исклучувањето Бесарт Ибраими постигна гол кој се покажа решавачки за вкупниот победник.
Домаќините реализираа во 70.минута преку Густаво и во 90+4 преку Акалаија.
Според ждрепката, за влез во групната фаза, Струга ТЛ ќе игра со Бреидаблик од Исланд. зс/
Фото: Фејсбук