Лондон, 4 август 2024 (МИА) - Стотици антиимиграциони демонстранти нападнаа хотел во Јужен Јоркшир кој се користи за сместување мигранти, јави британски „Телеграф“. Дел од нив упаднаа во објектот и ја запалија околната трева.

Видеа објавени на социјалните мрежи покажуваат како полицијата се повлекува при напад на предмети фрлени од демонстрантите пред хотелот Holiday Inn Express во Манверс, Ротерхем. Други снимки покажуваат како напаѓачите кршат прозорци пред да упаднат во зградата, како и пожар што избил на еден од влезовите.

Толпата викала и навивала: „Извадете ги“ и „Јоркшир“. Многу од демонстрантите мавтаат со британски знамиња и знамиња на Св. Џорџ, а некои од нив носат маски.

Полицијата блокираше една улица, а редица полицајци е забележана пред влезот. Контрадемонстранти од групата „Stand Up to Racism“ биле присутни на местото, но наводно го напуштиле подрачјето.

Хотелот беше цел на антиимиграционен протест во февруари 2023 година, кога две лица беа уапсени.

Гневната толпа од екстремната десница денеска упаднала во хотелот, фрлала столчиња и користела противпожарни апарати против полицијата, додека палеле канти и мебел.

Стотици насилни антиимиграциони демонстранти со качулки и облечени во знамиња на Св. Џорџ се судрија со полицајците кои се обидуваа да го заштитат хотелот од околу 14 часот попладне. Најмалку еден полицаец е повреден во хаосот пред хотелот на северните предградија на постиндустриското гратче.

Ова е уште еден ден од насилни протести на британските улици, по хаосот од оваа недела што остави полицајци со скршени коски, запалени автомобили и нападнати недолжни пешаци. Избувнувањето на насилство доаѓа по убиството на три млади девојки во Саутпорт, откако беше соопштено дека напаѓачот е илегален имигранти. Властите веднаш ги демантираа лажните вести, посочувајќи дека лицето е родено во Кардиф.

Тревата околу хотелот исто така е запалена. Едно лице било видено со целосно покриено лице со маска со британско знаме, додека мавтало со големо знаме на Англија пред хотелот, додека други пиеле пиво и пееле навредливи слогани.

Група млади мажи држеле банер со натпис „ние не сме десничари, ние сме само во право“, додека друг плакат гласел: „Запирање на бродовите значи запирање на прободувањата“.

Протестот веќе е силно критикуван од антирасистички групи и од активистот Брендан Кокс, чија сопруга, пратеничката Џо Кокс, беше убиена во нејзината изборна единица во Западен Јоркшир во 2016 година. - Сцените во Ротерхем не се протест, не се дури ни десничарски нереди, туку обид за убиство на мажите, жените и децата внатре со тоа што ги запалуваат живи, посочи Кокс. - Смрдеата на овие денови ќе го следи оние кои ги поттикнуваа и оправдуваа за остатокот од нивните животи, оцени активистот.

Антирасистичкиот контрапротест на местото ја зголеми тензијата за полицијата, која пристигна и најде банери со натпис: „Добредојдени се бегалците: Стоп за десницата.“ Градоначалникот на Јужен Јоркшир, Оливер Копард, рече дека е „целосно згрозен од насилството“ во Ротерхем.

„Она што го гледаме не е протест, туку брутална тиранија насочена кон некои од најранливите луѓе во нашето општество“, рече тој во соопштение. „Луѓето кои ги извршуваат овие напади не ги претставуваат убавите, брилијантна места и луѓе кои ги познавам. Ќе ги бараме оние кои го извршуваат ова насилство со целата сила на законот“, додаде тој.

They have now set fire to the Holiday Inn in Rotherham in Yorkshire where the refugees are living.

Fuck the Tories and Labour who have spent decades competing with each other to see who can be more racist. This the outcome- fascist thugs trying to burn refugees to death. pic.twitter.com/wsNWDkrDLM

— Jade (@JadeEckhaus) August 4, 2024

Министерката за внатрешни работи, Ивет Купер, во објава на Икс напиша: „Криминалниот, насилен напад на хотел што сместува азиланти во Ротерхем е целосно ужасен. Намерно подметнување пожар во зграда со луѓе внатре. „Полицијата на Јужен Јоркшир има целосна поддршка од владата за најстроги мерки против одговорните.“

На друго место во Мидлсбро, повеќе од 300 демонстранти започнаа да маршираат кон градскиот споменик Cenotaph. Носеа банер со натпис: „Том Џонс е Велшанец, Аксел Рудакубана не е“. Рудакубана е 17-годишниот обвинет за убиството на трите девојчиња во Саутпорт и е обвинет за обид за убиство на 10 други. Неговите родители се родени во Руанда пред да се преселат во Обединетото Кралство во 2002 година. Рудакубана е роден во Кардиф во 2006 година пред да се пресели во близина на Саутпорт во 2013 година.

Други кои маршираа низ градот викаа „ја сакаме назад нашата земја“ додека се движеа низ центарот на градот. Најмалку две лица беа однесени со лисици во првите половина час.

Нередите низ Англија и Северна Ирска започнаа во вторникот во Саутпорт, по убиството на три млади девојки во напад со нож на ќас по танц со тема на Тејлор Свифт. Повеќе од 100 луѓе беа уапсени по демонстрациите организирани од десничарски групи, кои предизвикаа нереди во неколку британски градови. Нередите зафатија подрачја вклучувајќи Хул, Ливерпул, Бристол, Манчестер, Сток-он-Трент, Блекпул и Белфаст, резултирајќи со насилство, грабежи и напади врз полицијата. Во Ливерпул, тензиите ескалираа додека околу 1.000 антиимиграциони демонстранти, некои извикувајќи исламофобични навреди, се судрија со контрадемонстрантите, известија денеска локалните медиуми.

Британскиот премиер Кир Стармер вети „целосната поддршка“ од Владата за полицијата, истакнувајќи силен став против екстремистите кои се обидуваат да поттикнуваат омраза. - Нема да толерираме никакви обиди за сеење омраза и поделба меѓу нашите заедници, потенцираше британскиот премиер. ссм/

фото: принтскрин