Средба на Столтенберг со турскиот министер за одбрана
- Министерот за одбрана на Турција, Хулуси Акар денеска се сретна со генералниот секретар на НАТО, Јенс Столтенберг јави агенцијата Анадолија.
![Средба на Столтенберг со турскиот министер за одбрана](https://mia.mk/index.php/images/20221114022348_big_730x400_26.webp )
Чанаккале, 4 ноември 2022 (МИА) – Министерот за одбрана на Турција, Хулуси Акар денеска се сретна со генералниот секретар на НАТО, Јенс Столтенберг јави агенцијата Анадолија.
Акар и Столтенберг се состанаа по посетата на Споменикот на загинатите борци и на полуостровот Галиполе.
Анадолија дознава дека на состанокот е разговарано за регионалната одбрана и безбедност, како и за прашања кои се однесуваат на НАТО, а Акар ги изнел ставовите на Турција.
Турскиот министер за одбрана истакнал дека неговата земја ќе продолжи да ги исполнува обврските во НАТО како и досега.
Столтенберг нагласи дека Турција е важен сојузник на НАТО и се заблагодари на улогата на земјата во повторното активирање на коридорот за извоз на жито од Украина.
Фото: Агенција Анадолија