Средба на Петровска со Мејер и Тарквинто: Заеднички продолжуваме да го менуваме ликот на македонската Армија
- Министерката за одбрана, Славјанка Петровска денеска се сретна со заменикот шеф на мисија во американската амбасада, Ерик Мејер и со новопоставеното аташе во Северна Македонија, полковникот
![Средба на Петровска со Мејер и Тарквинто: Заеднички продолжуваме да го менуваме ликот на македонската Армија](https://mia.mk/index.php/images/20221113234034_big_730x400_10.webp )
Скопје, 3 октомври 2022 (МИА) - Министерката за одбрана, Славјанка Петровска денеска се сретна со заменикот шеф на мисија во американската амбасада, Ерик Мејер и со новопоставеното аташе во Северна Македонија, полковникот Мајкл Тарквинто.
На средбата, како што соопшти МО, станало збор за одличната одбранбена соработка помеѓу САД и Северна Македонија, стратешки партнери и сојузници во Алијансата. Петровска се заблагодари за одлуката за поддршка на развојот на Армијата со 78 милиони долари.
![thumbnail_Petrovska-Majer-Tarkvinto (5)](/articles/images/%d1%81%d1%80%d0%b5%d0%b4%d0%b1%d0%b0-%d0%bd%d0%b0-%d0%bf%d0%b5%d1%82%d/hnmC7J77R/placeholder.webp?use_watermark=0)
-Сојузничката поддршка со 78 милиони долари значително ќе помогне во развојот на капацитетите на Армијата, во нејзината модернизација и опремување, како и во развојот на сајбер одбраната. Заеднички го менуваме ликот на Армијата и ја зацврстуваме колективната безбедност и одбрана и за тоа сме исклучително благодарни, рекла министерката на средбата.
Заменикот Шеф на мисија Мејер и полковникот Тарквинто порачале дека САД остануваат посветени на соработката со Северна Македонија, која е посветен сојузник во Алијансата и активно придонесува кон безбедноста на евроатлантската област. сст/нд/