Средба на Ковачевски - Нехамер во Прага: Австрија е силен поддржувач на Северна Македонија и регионот да се дел од ЕУ
- Премиерот Димитар Ковачевски, денеска во Прага на билатерална средба со австрискиот канцелар Карл Нехамер разговараше за перспективите на регионот и евроинтегративниот процес на нашата земја.
![Средба на Ковачевски - Нехамер во Прага: Австрија е силен поддржувач на Северна Македонија и регионот да се дел од ЕУ](https://mia.mk/index.php/images/20221114000132_big_730x400_2.webp )
Скопје, 6 октомври 2022 (МИА) - Премиерот Димитар Ковачевски, денеска во Прага на билатерална средба со австрискиот канцелар Карл Нехамер разговараше за перспективите на регионот и евроинтегративниот процес на нашата земја. Тема на разговор, како што соопшти владината прес-служба, биле и предизвиците наметнати од светската енергетска криза и можностите за нивно надминување.
Премиерот Ковачевски истакнал дека Северна Македонија е целосно подготвена за процесот на скрининг што ни претстои и дека се очекува полноправно членство во Европската Унија до 2030 година.
Двајцата соговорници се согласиле дека двете земји имаат одлични билатерални односи и соработка, а се разгледуваат и можностите за нивно унапредување во насока на спроведување на реформските приоритети.
На средбата била изразена и благодарност за безрезервната австриска поддршка од технички и од финансиски аспект која ја добиваме од Австрија. сст/дма/
![thumbnail_06102022_PVRSM_sredba_Nehamer (2)](/articles/images/%d1%81%d1%80%d0%b5%d0%b4%d0%b1%d0%b0-%d0%bd%d0%b0-%d0%ba%d0%be%d0%b2%d/nagZcd2Ky/placeholder.webp?use_watermark=0)