Скопје, 21 декември 2024 (МИА) - Премиерот Христијан Мицкоски денеска во Владата оствари средба со Нуман Куртулмуш, претседател на Големото национално собрание на Република Турција, кој денеска престојува во официјална посета на земјава.

- Ги потврдивме одличните и пријателски односи со Турција. Ја истакнав заложбата да се интензивира економската и културна соработка, како и интензивирање на односите во областите кои се од заедничко значење и важност, објави Мицкоски, на Фејсбук.

Куртулмуш во рамки на посетата на Скопје, денеска оствари средба со претседателот на Собранието на Република Северна Македонија, Африм Гаши. аа/

Фото: ФБ на Христијан Мицкоски