Спроведена екоакција во село Црник
- Во пехчевското село Црник успешно е спроведена најавената еко-акција за чистење на центарот на селото. Акцијата ја организираше младинскиот актив во соработка со Општина Пехчево.
![Спроведена екоакција во село Црник](https://mia.mk/index.php/images/20221113191508_big_730x400_42.webp )
Пехчево, 1 август 2022 (МИА) - Во пехчевското село Црник успешно е спроведена најавената еко-акција за чистење на центарот на селото. Акцијата ја организираше младинскиот актив во соработка со Општина Пехчево.
- Жители на селото заедно со градоначалникот на Пехчево, кој зеде учество во акцијата, го исчистија централниот дел на селото и детското игралиште, кое претходно беше натрупано со ѓубре. Денеска, пак, екипи на ЈП „Комуналец“ од Пехчево, го излагаат сметот и ги испразнија сите преполнети контејнери во селото, информираа од младинскиот актив во Црник.
Градоначалникот на Пехчево Александар Китански најави дека во следниот период предвидено е уредување и чистење на Црничка река, каде со механизација ќе се уредува речното корито.
Жителите на Црник упатија благодарност до Китански и сите кои се вклучија во реализацијата на активностите за нивната несебична поддршка при спроведувањето на оваа акција.вс/фф/
![Црник акција](/articles/images/%d1%81%d0%bf%d1%80%d0%be%d0%b2%d0%b5%d0%b4%d0%b5%d0%bd%d0%b0-%d0%b5%d0/3DiXidIAS/placeholder.webp?use_watermark=0)