Спасеновски: Следниот медал ќе биде златен
- Македонскиот каратист Петар Спасеновски кој освои бронзен медал на неодамнешното Европското првенство во Газиантеп, Турција, е оптимист дека на следното големо натпреварување може да освои зл
![Спасеновски: Следниот медал ќе биде златен](https://mia.mk/index.php/images/20221113145838_big_730x400_98.webp )
Скопје, 1 јуни 2022 (МИА) – Македонскиот каратист Петар Спасеновски кој освои бронзен медал на неодамнешното Европското првенство во Газиантеп, Турција, е оптимист дека на следното големо натпреварување може да освои злато.
- Следниот медал ќе биде златен. На ЕП во Турција забележав четири победи од пет борби. Ова е само едно искуство за во иднина да освојам што повеќе медали. Благодарност на моите тренери и мојот клуб Макетрол кои стојат зад мене, изјави Спасеновски.
Тој денес беше во Агенцијата за млади и спорт и доби благодарница од директорот Наумче Мојсовски.
- Каратистите дефинитивно ја претставија Македонија во најдобро светло на Европското првенство во Турција. Резултатите покажуваат дека има иднина во младите натпреварувачи, а Карате федерацијата дека е на прав пат. Се надевам на уште многу медали, а секако Агенцијата за млади и спорт ќе знае да ги награди ваквите успеси, рече Мојсовски.
Спасеновски и Вероника Костовска која освои петто место ќе добијат стипендии од Агенцијата за млади и спорт. зс/
![сапсеновски амс](/articles/images/%d1%81%d0%bf%d0%b0%d1%81%d0%b5%d0%bd%d0%be%d0%b2%d1%81%d0%ba%d0%b8-%d1/X47bglEIf/placeholder.webp?use_watermark=0)