Сончево со температура до 25 степени
- Минималната температура ќе биде во интервал од 2 до 8, а максималната ќе достигне од 17 до 25 степени.
![Сончево со температура до 25 степени](https://mia.mk/index.php/images/20240402181939_big_730x400_71.webp )
Скопје, 3 април 2024 (МИА) - Времето денеска ќе биде сончево со мала до умерена облачност. Ќе дува слаб до умерен ветер од јужен правец, соопшти Управата за хидрометеоролошки работи.
Минималната температура ќе биде во интервал од 2 до 8, а максималната ќе достигне од 17 до 25 степени.
Во Скопје сончево со мала до умерена облачност и со слаб ветер од јужен правец. Минималната температура ќе се спушти до 3, а максималната ќе достигне до 23 степени.
Во наредните денови ќе следува период на сончево време со мала до умерена облачност. До петок утринските температури ќе бидат пониски, а преку ден ќе дува умерен, повремено засилен северен ветер. Од сабота температурите ќе бидат во пораст. дма/бак/
Фото: МИА архива