Советот за безбедност на ОН ќе се состане в понеделник за американските напади на Блискиот Исток
- Советот за безбедност на ОН в понеделник ќе одржи итен состанок за американските напади во Ирак и Сирија, што ги почна како одмазда за смртта на тројца американски војници, изјавија дипломатски извори за француски медиуми.
![Советот за безбедност на ОН ќе се состане в понеделник за американските напади на Блискиот Исток](https://mia.mk/index.php/images/20240203212501_big_730x400_59.webp )
Њујорк, 3 февруари 2024 (МИА) - Советот за безбедност на ОН в понеделник ќе одржи итен состанок за американските напади во Ирак и Сирија, што ги почна како одмазда за смртта на тројца американски војници, изјавија дипломатски извори за француски медиуми.
Состанокот, што го побара постојаната членка Русија, ќе се одржи в понеделник во 16:00 часот по локално време (21:00 по Гринич), соопштија дипломатски извори.
Ќе се разговара за нападите што Вашингтон ги изврши против групите поддржани од Иран кои ги обвини за напад на американски војници во регионот. мс/
фото: МИА архива