Братислава, 17 септември 2024 (МИА) – Словачкиот парламент денеска го разреши лидерот на опозицијата Михал Шимечка од функцијата потпретседател на парламентот, откако премиерот Роберт Фицо и неговата владејачка коалиција го обвинија дека користи јавни средства преку невладини организации.

Шимечка го осуди овој чекор како напад на демократските стандарди и одвлекување на вниманието од потребите на земјата, притоа негирајќи ги тврдењата на владејачката коалиција.

Фицо денеска рече дека Шимечка, водачот на најголемата опозициска партија Прогресивна Словачка, повикал на јавни протести против министерот за култура минатиот месец, бидејќи Министерството го прекинало финансирањето на организациите со кои тој имал врски. јт/

Фото: Х