Словачка јутјуб-ѕвезда на 23 години веќе „тежи“ седум милиони долари
- Неговата популарност, Јутјуб активностите, како и блоговите му донесоа улоги во неколку филма, а потоа и ангажманот лани како водител на наградите Избор на тинејџерите
![Словачка јутјуб-ѕвезда на 23 години веќе „тежи“ седум милиони долари](https://mia.mk/index.php/images/20221102173353_big_730x400_6.webp )
Лос Анџелес, 4 февруари 2020 (МИА) - Јутјуб-ѕвездата Давид Добрик од Словачка, поради своето хоби кое веќе може да се нарече и професија, на 23 години веќе има богатство од седум милиони долари.
Тој има 15 милиони следачи на Јутјуб. А, според една анкета на угледниот аналитичар Пајпер Џафреј, спроведена меѓу 9.500 испитаници тинејџери, Добрик е најпопуларен меѓу т.н. Јутјубери.
Неговата популарност, Јутјуб активностите, како и блоговите му донесоа улоги во неколку филма, а потоа и ангажманот лани како водител на наградите Избор на тинејџерите (Teen Choice Awards)...
Давид е роден во 1996 година во Кошице, Словачка. Кога имал шест години, се преселил во САД, поточно во Чикаго, заедно со своите родители. Кога завршил средно училиште, неговите родители му поставиле услов - ако не сака колеџ, да се исели од дома.
Тој избрал селидба. Во 2013 година, тој се преселил во Лос Анџелес и тогаш ја открил апликацијата Вајн, со која може да се објавуваат видеоснимки долги најмногу шест секунди и да се споделуваат.
Така, неговата креативност секој ден оттогаш му носи сè поголема слава. си/сд/