Синдикалната минимална кошничка во јануари 33.650 денари
- Вредноста на Синдикалната минимална кошничка за јануари 2021 година изнесува 33.650 денари.
![Синдикалната минимална кошничка во јануари 33.650 денари](https://mia.mk/index.php/images/20240320125646_big_730x400_41.webp )
Скопје, 15 февруари 2021 (МИА) - Вредноста на Синдикалната минимална кошничка за јануари 2021 година изнесува 33.650 денари.
Како што соопшти Сојузот на синдикатите на Македонија (ССМ), од елементите што ја сочинуваат кошничката, на исхрана и пијалаци отпаѓаат 14.021,96 денари, на домување 10.817,34, на хигиена 2.375,68, на превоз 2.483,93, на облека и обувки 2.157,25, на култура 1.067,86, додека на одржување на здравје 726,25 денари.
Повикувајќи се на Државниот завод за статистика, ССМ потсетува дека просечната нето-плата во ноември лани била 27 588,00 денари. Тогаш, вредноста на Синдикалната минимална кошничка била 33.742,10 денари. сст/сп/