Се поставува фекална канализација во кавадаречко Долна Бошава
- Во тек е поставување на фекална канализација во село Долна Бошава, во должина од 750 квадратни метри, по барање на месната заедница, информираа попладнево од кабинетот на градоначалникот на К
![Се поставува фекална канализација во кавадаречко Долна Бошава](https://mia.mk/index.php/images/20221128071613_big_730x400_58.webp )
Кавадарци, 25 ноември 2022 (МИА) - Во тек е поставување на фекална канализација во село Долна Бошава, во должина од 750 квадратни метри, по барање на месната заедница, информираа попладнево од кабинетот на градоначалникот на Кавадарци, Митко Јанчев.
- Истовремено се постави и базен за акумулација на водата за пиење, за потребите на жителите на селото, во кој ќе се изведуваат приклучоци на главниот систем за водовод, тој е донација од фирмата Ја-Ми. Изведувач на работите е „Градба промет“, соопштија од кабинетот на Јанчев.
Оттаму информираа дека во тек е и асфалтирањето на улиците „41 Дивизија“ и дел од „Црноречка“ во Кавадарци.
- Таму претходно беше реконструирана водоводната линија и фекалната канализација. Изведувач на работите е „Градба промет“, а инвестицијата е на ЈП Комуналец и Општина Кавадарци, појаснија од кабинетот на градоначалникот. свд/