Се подготвува отворена гала премиера за „Талија“, документарен филм посветен на тетовското драмско студио
- Со отворена гала премиера пред пошироката јавност ќе се претстави „Талија“ документарниот филм посветен на тетовското драмско студио изработен под покровителство на Музеј на тетовски крај. Гала премиерата е закажана за 2 јуни, петок во Центарот за култура во Тетово со бесплатен влез. Почетокот на премиерата е закажана за во 20 часот.
![Се подготвува отворена гала премиера за „Талија“, документарен филм посветен на тетовското драмско студио](https://mia.mk/index.php/images/20230523173841_big_730x400_45.webp )
Тетово, 23 мај 2023 (МИА) - Со отворена гала премиера пред пошироката јавност ќе се претстави „Талија“ документарниот филм посветен на тетовското драмско студио изработен под покровителство на Музеј на тетовски крај. Гала премиерата е закажана за 2 јуни, петок во Центарот за култура во Тетово со бесплатен влез. Почетокот на премиерата е закажана за во 20 часот.
-„Талија“ е документарен филм кој говори за легендарното тетвоско драмско студио формирано 1969 година, како и еден времеплов на 125 години театарски живот во Тетово. Во филмот се опфатени 50-тина учесници, историчари, актери, режисери. Преку овој документарен филм се евидентирани сите достигнувања и падови, емотивна приказна за „даските што живот значат“, информираше режисерот Саше Серафимовски.
Асистент режисер е Игор Бачовски, а извршен продуцент Миќо Стојчевски. Филмот е почнат со снимање во 2015 година, под покровителство на Музеј на тетовски крај. Пред една година во јуни 2022 филмот имаше презентирање пред потесна публика. ас/мс/
фото: МИА