Се менуваат прозорците во штипското медицинско училиште
- Средното медицинско училиште „Јане Сандански“ - Штип новата учебна година ќе ја започне со нови прозорци. Градоначалникот на Општина Штип, Иван Јорданов беше на увид во градежните работи и посочи дека целта е да се подобрат условите во претстојната учебна 2023-2024 година.
![Се менуваат прозорците во штипското медицинско училиште](https://mia.mk/index.php/images/20230822145203_big_730x400_29.webp )
Штип, 22 август 2023 (МИА) - Средното медицинско училиште „Јане Сандански“ - Штип новата учебна година ќе ја започне со нови прозорци. Градоначалникот на Општина Штип, Иван Јорданов беше на увид во градежните работи и посочи дека целта е да се подобрат условите во претстојната учебна 2023-2024 година.
- Продолжуваме со насочување на средствата со коишто располагаме во директни инвестиции во средните и основните училишта. Се променуваат прозорците во СОУ „Јане Сандански“. Очекуваме до почетокот на учебната година да се изврши промена на сите прозорци во ова училиште. Целта е до крајот на годината да се изврши реконструкција на дворното место во ова училиште, вели Јорданов.
Директорката на СОУ „Јане Сандански“-Штип, Марија Николиќ, истакна дека промената на прозорците значи зголемена енергетска ефикасност, а најави дека за следната година останува да се работи на замена на фасадата и кровната конструкција. Заедно со промената на парно-греењето, ова ќе значи и помали трошоци за училиштето.
- Како што ветивме, така и остваруваме. Се реализира уште една капитална инвестиција, по 66-годишно постоење на училиштето и 40 години во оваа училишна зграда, овозможуваме да се променат старите и дотраени прозорци и со тоа се надоврзуваме на проектите од претходната година кога го променивме системот за парно-греење. Сега со промена на прозорците овозможуваме зголемување на енергетската ефикасност и со тоа подобрување на условите за настава и работа. Во следна фаза се надевам дека во текот на 2024 година за целосна заштеда ќе овозможиме и замена на фасадата и кровната конструкција и со тоа ќе ги намалиме сметките за струја, вели Николиќ.
Инвестиција за промената на прозорците е во вредност од 2,5 милиони денари. Активности се предвидени и во основните училишта „Димитар Влахов“ и „Гоце Делчев“, каде ќе се работи на дворните места, како и во СОУ „Коле Нехтенин“ и другите училишта. вдј/цр
Фото: МИА