СДСМ: Мицкоски сака да создаде политичка криза, тоа нема да го дозволиме, и во јуни и на „дата икс“ изборен пораз не му бега
- Мицкоски и ВМРО-ДПМНЕ не сакаат Собрание, не сакаат избори, не сакаат институции со полн легитимитет, не сакаат економијата да заживее, не сакаат здрвјето на граѓаните да биде обезбедено, не
![СДСМ: Мицкоски сака да создаде политичка криза, тоа нема да го дозволиме, и во јуни и на „дата икс“ изборен пораз не му бега](https://mia.mk/index.php/images/20221103214549_big_730x400_28.webp )
Скопје, 14 мај 2020
Мицкоски и ВМРО-ДПМНЕ не сакаат Собрание, не сакаат избори, не сакаат институции со полн легитимитет, не сакаат економијата да заживее, не сакаат здрвјето на граѓаните да биде обезбедено, не сакаат државата да оди напред.
Мицкоски и ВМРО-ДПМНЕ сакаат да создадат политичка криза од која се надеваат дека ќе профитираат. Но, СДСМ и граѓаните тоа нема да го дозволат.
Граѓаните добро го паметат неодговорниот однос на Мицкоски за цело време на коронакризата.
На почетокот Мицкоски се потсмеваше и ја потценуваше здравствената закана од коронавирусот, со изјави дека СДСМ посакувала да се случи пандемијата. Ширеше Мицкоски лажни вести дека има само 100 тестови за корона, а потоа десетици илјади граѓани се тестираа. Мицкоски лажеше дека има 140.000 работници без работа а вистината е дека се околу 8.000. Работеше против министерот Венко Филипче и му поднесуваше кривични пријави.
Сега ВМРО-ДПМНЕ и Мицкоски сакаат да создадат политичка криза и да ја отежнат, да ја продлабочат економската криза, тоа е нивната стратегија која нема да успее.
СДСМ, граѓаните, државата, нема да дозволи еден неподготвен и неспособен политичар како Мицкоски да ја попречува новата нормалност, да одолговлекува целосна функционалност на институциите во земјава и да спречува создавање услови за трансформација на економијата.
Едно е јасно, и во јуни и на „дата икс“ на Мицкоски изборен пораз не му бега.
Центар за комуникации со јавност на СДСМ
___________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.