Скопје, 11 мај 2022 Очекувавме вечерва дека Христијан Мицкоски ќе го искористи јавниот настап и и ќе побара од неговите пратеници да ги вратат платите, патните трошоци, мобилните телфони, што се над 55.000 евра месечно. Но наместо тоа, Мицкоски тврдоглаво се фатил за деструкциите и блокадите. Се надева дека вештачки ќе создаде политичка криза и ќе предизвика штета врз граѓаните. Очигледно навива земјата да застане, да не успее, да има проблеми. Дури и самиот Мицкоски вели дека процесот на блокади и деструкции ќе биде долг, тој е среќен само тогаш. Но Мицкоски и ВМРО-ДПМНЕ треба да знаат дека нивните блокади нема да успеат. Денеска во Собранието пропаднаа нивните блокади, дневниот ред се изгласа, седницата продолжува. ВМРО-ДПМНЕ не постигна ништо освен што ја одолговлекуваше работата и дискусуја за дневен ред траеше цели два дена. Така ќе пропаднат и следните најавени нивни блокади. СДСМ со институциите, со граѓаните, нема да дозволи Мицкоски и ВМРО-ДПМНЕ да ја вратат државата назад. Куриозитет е признанието на Мицкоски. Кажа дека е спремен да се дистанцира од брат и сестра, ама од неговиот шеф Никола Груевски никако да се дистанцира, никако да се огради од криминалот, да се извини и да побара одговорност. Центар за комуникации со јавноста на СДСМ ————————————————————————————————————————— МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.