Скопје, 27 јануари 2022 (МИА) - Полициски службеници на СВР Тетово денеска од 8 до 12 часот спровеле акциска контрола на возила што вршат јавен превоз на патници, пред се автобуси и комбиња. При контролата, откриени и санкционирани се 11 технички неисправни возила (пет во Тетово и шест во Гостивар), од кои шест возила (ТЕ-4 и ГВ-2) имале неисправни сопирачки, три (ГВ) биле со неизвршен технички преглед, едно (ТЕ) со неисправен уред и едно возило (ГВ) не поседувало потребна опрема. Во контролата, соопштија денеска од МВР, биле констатирани и 17 други видови сообраќајни прекршоци (ТЕ-11 и ГВ-6) кои, исто така, биле заокружени со поднесоци и кои ќе се соочат со адекватни парични глоби. цр/хс/