Салах сака да го напушти Ливерпул по заминувањето на Клоп
- Крилниот напаѓач на Ливерпул, Мохамед Салах има намера да го напушти англискиот клуб во летниот преоден рок.
![Салах сака да го напушти Ливерпул по заминувањето на Клоп](https://mia.mk/index.php/images/20240420155750_big_730x400_31.webp )
Ливерпул, 20 април 2024 (МИА) - Крилниот напаѓач на Ливерпул, Мохамед Салах има намера да го напушти англискиот клуб во летниот преоден рок.
Како што објави „The Sun“, одлуката на Египќанецот е поврзана со заминувањето на тренерот на „црвените“, Јирген Клоп.
Претходно се дозна дека германскиот стручњак ќе го напушти клубот на крајот од сезоната 2023/24.
Главен претендент за Салах е Ал-Итихад. Раководството на клубот од Саудиска Арабија е подготвено да плати 233 милиони евра за играчот.
Сезонава 31-годишниот Салах одигра 38 натпревари на кои постигна 24 гола и имаше 13 асистенции. Договорот на фудбалерот со тимот е до крајот на јуни 2025 година.
Порталот „Transfermarkt“ ја проценува вредноста на Салах на 65 милиони евра.
Ливерпул е трет во англиското првенство со 71 бод од 32 натпревари. Лидер е Манчестер сити со 73 бода. зс/
Фото: ЕПА