Москва, 6 август 2025 (МИА) - Руски и кинески воени бродови ќе учествуваат во заеднички патроли во Азиско-пацифичкиот регион, објавија руските медиуми.

-Руските и кинеските поморски сили ќе формираат нова група за спроведување заеднички патролни мисии во Азиско-пацифичкиот регион, се вели во соопштението на Руската пацифичка флота.

Русија и Кина ќе спроведуваат заеднички патроли по нивните заеднички воени вежби во Јапонското Море од 1 до 5 август, кои вклучуваа артилериско пукање, мисии против подморници и воздушна одбрана и подобрување на заедничките операции за пребарување и спасување на море.

За време на последната фаза од вежбите, рускиот голем противподморнички брод „Адмирал Трибутс“ и корветата „Громки“, заедно со кинеските разурнувачи „Шаоксинг“ и „Урумчи“, спроведоа вежби со боева стрелба, а екипажите вежбаа пребарување и неутрализирање на имитирана непријателска подморница.

Пацифичката флота претходно соопшти дека вежбите биле одбранбени по природа и не биле насочени против други земји.

Москва и Пекинг, кои потпишаа договор за „бесконечно стратешко партнерство“ непосредно пред Русија да ја нападне Украина, редовно одржуваат заеднички вежби за да разработат координација меѓу нивните вооружени сили и да испратат сигнал за одвраќање до противниците. мс/

фото: МИА архива