Русија прогласи вонредна состојба во пограничниот регион Курск
- „Оперативната ситуација во регионот Курск останува тешка“, изјави вршителот на должноста гувернер на Курск, Алексеј Смирнов, на каналот Телеграм.
![Русија прогласи вонредна состојба во пограничниот регион Курск](https://mia.mk/index.php/images/20240809141511_big_730x400_80.webp )
Киев, 9 август 2024 (МИА) - Русија прогласи вонредна состојба во пограничниот регион Курск четири дена откако стотици украински војници ја преминаа границата и ја нападнаа областа.
„Оперативната ситуација во регионот Курск останува тешка“, изјави вршителот на должноста гувернер на Курск, Алексеј Смирнов, на каналот Телеграм.
Социјалните служби и здруженијата на граѓани се организираа за да им пружат помош на луѓето кои беа принудени да ги напуштат своите домови поради борбите, додаде тој.
Од Курск досега се евакуирани околу 3.000 жители.
Има малку сигурни информации за ненадејната украинска операција, а нејзините стратешки цели и натаму се нејасни.
Украинските власти одбија да дадат конкретен коментар за упадот, што се случува на околу 500 километри југозападно од Москва.сд/
фото:ЕПА